【UTO |娛樂|浪漫婚活】Viutv全民造星2參賽者-暖男C Chung：「我辭左份工，就係為咗追夢！」

點擊參加www.hkrd.com.hk

【UTO |娛樂|浪漫婚活】Viutv全民造星2參賽者-暖男C Chung：「我辭左份工，就係為咗追夢！」

其實暖男C Chung點樣喺6百幾個全民造星2參賽者當中中脫穎而出，成為99強呢？C Chung係一個搖滾音樂人，而且全身紋身，比人好cool、好「串」嘅感覺。初選嘅時候，佢嘅外型俾花姐印象就係「飛仔」，點知喺表演過後嘅面試環節，花姐發現佢正職係社福屆，個人好nice同搞笑，人與外型有強烈嘅反差，立即被特別加分。

影片：點播網易李秀恒訪問片段。

強烈反差被加分

至於點解C Chung會叫暖男呢？原來C Chung媽媽曾一度要求C Chung去改名轉運，套上喺依件事上，就改一個溫暖嘅名字，來對冲壞印象，所以便用上「暖男」來冲淡陽氣過剩嘅外形。

喺強烈反差嘅外表之下，原來暖男C Chung係一位精神病康復訓練員，佢嘅工作主要係接觸精神病康復者，協助康復者重新容入社區，會接觸嘅病例亦好多，例如抑鬱、思覺失調、幻聽等等。

依行嘅人少不免會有負面情緒，C Chung覺得自己比較幸運，因為佢同時係一位藝術家、音樂人，負面嘅情緒往往可以透過佢嘅畫作及音樂去舒發。

透過音樂關心弱勢

暖男C Chung表示佢參加全民造星2，其中一個原因就係想關心基層。因為佢嘅工作性質關係，佢經常接觸及去了解不同嘅人嘅故事，原來好多人嘅故事都係好荒謬，但依個正正就係佢所接觸嘅世界，從而得到好多創作嘅靈感及材料。所以喺佢嘅原創音樂作品入面，會加入咗好多以上嘅元素，盼喚醒大家關心被社會忽略嘅一群。

暖男C Chung曾為自己嘅音樂創作製作MV，編製、監導、形象、設計、故仔一手包辦，用一種好誇張，好有味道嘅風格去表達，成就出自己獨有嘅作品。

「我辭左份工，就係為咗追夢！」

暖男C Chung為咗參加全民造星2，辭去咗佢做咗6年嘅工作：「我辭左份工，就係為咗追夢！公司仲加人工，但有得就有失，你想做好一件事，就必須取捨及付出！」

了解更多，請即Click入 www.hkrd.com.hk

音樂：點播試聽”乞討”。